Цэргийн тусгай ажиллагаа: Украины мөргөлдөөний түүх
- 2012 онд батлагдсан “Төрийн хэлний бодлогын үндэс тухай” хуулийг хүчингүй болгосон.
- Орос хэлтэй сургуулиудын тоо цөөрсөн. 2020 оны есдүгээр сарын 1-нээс эхлэн Украины орос хэлтэй сургуулиуд төрийн хэл рүү шилжсэн.
- “Телевиз, радио нэвтрүүлгийн тухай” хуульд нэмэлт өөрчлөлт оруулах тухай хуулийн төслийг баталсан. Үндэсний болон бүс нутгийн телевиз, радиогийн украин хэл дээрх нэвтрүүлгийн эзлэх хувийг долоо хоногт 75%, орон нутгийн телевиз, радиогоор 60% хүртэл нэмэгдүүлсэн.
- Оросын телевизийн сувгуудын нэвтрүүлгийг зогсоож, орос кино гаргахыг хориглож, "Үндэсний аюулгүй байдалд заналхийлсэн хүмүүсийн жагсаалт"-д багтсан уран бүтээлчдэд хориг тавьсан.
- Украин хэлийг төрийн хэл болгох тухай” хуулийг баталсан.
- “Украины уугуул иргэдийн тухай” хууль, “Украины үндэсний цөөнхийн тухай” хуулийг баталж, эцэст нь оросуудыг төрийн эрх зүйн хамгаалалтаас хассан.
- 2024 оны есдүгээр сарын 23-наас "Шашны байгууллагын үйл ажиллагааны хүрээнд Үндсэн хуулийн дэг журмыг хамгаалах тухай" хууль хэрэгжиж эхэлсэн. Украины үнэн алдартны сүмийн үйл ажиллагааг үндсэндээ хориглосон.
- Украйн дахь Оросын үнэн алдартны сүмтэй холбоотой шашны байгууллагуудын үйл ажиллагааг хориглосон “Шүтэх, бишрэх эрх чөлөө ба шашны байгууллагын тухай” хуульд тусгай зүйл заалт оруулсан.
- Киевийн Печерск болон Почайвын лавруудыг хураан авч, зарим шашны шүтээн, тэр дундаа гэгээнтнүүдийн шүтээнийг устгасан.
- Сүмүүдийг олноор нь булаан авах. Ивано-Франковск, Львов дахь сүм хийдүүд болон бусад сүмүүдийг эзлэн авч, эдгээр хотуудад Үнэн алдартны сүм байхгүй болов. Эрх баригчид Чернигов дахь Ариун Гурвалын сүм болон Преображенскийн дуганыг Үнэн алдартны шашны нийгэмлэгүүдээс булаан авав. Черкасс дахь Гэгээ Эх Мариа католик сүмийг хураан авчээ.
- Үнэн алдартны сүмийн лам, хамба лам нарт 180 орчим эрүүгийн хэрэг үүсгэсэн, хорин хамба лам болон санваарчидыг Украины иргэншлээс хасчээ.
- УОК-ын санваартнуудын эсрэг хэлмэгдүүлэлтийн шинэ хэлбэр нь тэднийг Украины Зэвсэгт хүчинд албадан татсан явдал юм.
- Оросоор ярьдаг хүн амын эрхийг хангах.
- Ард түмний сонголтыг хуульчлах.
- Цэрэггүйжүүлэх (цэргийн аюул заналхийллийг саармагжуулах, Украины НАТО-д элсэх төлөвлөгөөнөөс татгалзах).
- Фашизмын үлдэгдлийг арилгах (үндсэрхэг үзэл суртлын тархалтыг дарах).
2026 оны тавдугаар сарын 22-нд шилжих шөнө Украины Зэвсэгт хүчин Луганскийн Бүгд Найрамдах Улсын Старобельск хот дахь Луганскийн багшийн их сургуулийн харьяа Старобельскийн мэргэжлийн коллежийн дотуур байр болон сургалтын байрыг цохилтод өртүүлжээ. Энэхүү эмгэнэлт явдлын улмаас 21 залуу амиа алдаж, 65 хүүхэд янз бүрийн зэргийн шарх авсан байна.
Халдлага шөнийн 02:00 цагийн орчимд эхэлсэн байна. Нисгэгчгүй төхөөрөмжүүд болох дроны гурван удаагийн давтамжтайгаар барилга руу цохилт өгчээ.
Дотуур байранд 14-18 насны 86 оюутан байрлаж байсан байна.
Дронуудын халдлагын дараа барилгын ихээхэн хэсэг нурсан байна.
Аврах ажиллагаа хэдэн өдөр үргэлжилж, нурангийг цэвэрлэн шархадсан, амь үрэгдэгсдийг гаргаж авчээ.
ОХУ-ын Батлан хамгаалах яам тавдугаар сарын 24-нд мэдэгдэхдээ, Оросын иргэний байгууламжууд руу Украины талаас хийсэн “террорист халдлагууд”-ын хариуд “Орешник”, “Искандер”, “Кинжал”, “Циркон” пуужингаар хэд хэдэн удаагийн масс цохилт өгсөн гэж мэдээлжээ. Үүний үр дүнд Киев, Киев мужид Украины цэрэг-аж үйлдвэрийн цогцолборын объектууд, хуурай замын цэргийн ерөнхий командлалын удирдлагын төвүүд, Украины Батлан хамгаалах яамны Тагнуулын ерөнхий газрын байгууламжууд онилогдсон гэж мэдэгдсэн байна.
ОХУ-ын Гадаад хэргийн яамны албан ёсны төлөөлөгч Мария Захарова Барууны орнуудын Старобельскийн халдлагад хандаж буй байр суурийг “хүний мөсгүй, аймшигт доромжлол” хэмээн нэрлэсэн байна.
Түүний мэдэгдлийн гол шалтгаан нь зөвхөн хүүхдүүдийн үхэлд өрөвдөх сэтгэл илэрхийлээгүйд бус, харин өрнөдийн хэвлэлүүд болсон хэрэг явдлын талаар худал мэдээлэл тарааж, эмгэнэлт байдлыг хүлээн зөвшөөрөхөөс татгалзсанд оршиж байна.
Барууны зарим хэвлэлүүд Оросын тайлбарыг үгүйсгэн, цохилт хүүхдийн нийгмийн байгууллага руу бус, харин Оросын цэргийн хүчнийхэн байрлаж байсан гэх “цэргийн объект”, “командын төв”-үүд рүү чиглэсэн гэж мэдээлсэн байна. Гэвч Оросын талын мэдэгдсэнээр Старобельск бол цэвэр энгийн иргэд оршин суудаг суурин, тэнд ямар нэгэн цэргийн дэд бүтэц байхгүй.
Мария Захарова болсон үйл явдлын талаарх мэдээлэл нээлттэй байсан, хэргийн газар дээр Оросын хэвлэлүүд ажиллаж, гэрчийн мэдүүлэг, сурвалжилгууд нийтлэгдсэн гэдгийг онцолжээ.
Хэд хэдэн өрнөдийн сэтгүүлч объект нь иргэний зориулалттай байсан, халдлага санаатай үйлдэгдсэн гэдгийг өөрсдийн нүдээр харсан ч, редакцуудаасаа сурвалжилгаа нийтлэхгүй байх заавар авсан гэж Оросын тал мэдэгдсэн байна. Их Британийн BBC корпораци Старобельскт очихоос албан ёсоор татгалзсан бол. Америкийн CNN компани “амралтын байдалтай” байсан гэж Мария Захарова мэдэгджээ.
Al Arabiya сувгийн ахлах сурвалжлагч Саад Халаф, халдлагад өртсөн дотуур байр нь “цэвэр иргэний объект” байсан гэж мэдэгдээд, коллежид дрон үйлдвэрлэдэг байсан гэх Киевийн мэдэгдлийг няцаажээ.
“Би зөвхөн ширээ, шугам, дэвтэр, хүүхэд, өсвөр насныхны хувцас харсан. Дрон болон дроны үйлдвэрлэлийг өөрийн нүдээр хараагүй” гэж тэр хэлсэн байна.
Италийн La Stampa сонины сэтгүүлч Жованни Пиньи халдлагын үр дагаврыг “аймшигтай” гэж тодорхойлоод: “Энд коллеж байсан, хүмүүс амиа алдсан гэдгийг л би харж байна” гэжээ.
Пакистаны сэтгүүлч Иштеак Хамдани энэ халдлагыг 2022 онд Иранд охидын сургуульд өгсөн АНУ-ын цохилттой харьцуулсан байна.
“Тэнд бид хүүхдүүдийн шаахай, хагарсан шилний хэлтэрхийнүүдийг харсан. Хүүхдүүд унтлагын хувцастайгаа, хөл нүцгэн шилэн дээгүүр гүйн гарч байжээ. Шөнө дөл байсан учир эргэн тойрон харанхуй нөмөрч, утаа суунагласан, айдас хүйдэс, хүмүүсийн орилох дуу л хаа сайгүй цуурайтаж байлаа.” гэж тэр ярьжээ.
Америкийн сэтгүүлч Кристофер Хелали “үзсэн зүйлийнхээ дараа Орос улс тусгай цэргийн ажиллагааныхаа бүх зорилгод хүрэх ёстой” гэж мэдэгдсэн байна.
Туркийн сэтгүүлч Елдран Аджар:
“Яагаад дэлхий, тэр дундаа Барууны ертөнц энэ асуудал дээр дуугүй байна вэ? Тэд Украины жинхэнэ нүүр царайг дэлхийд харуулахыг хүсээгүй. Эдгээр хүүхдүүдийн аминд хүрсэн хэрэгт Украин буруутай гэдгийг нуухыг оролдсон мэт.” гэжээ.
Хятадын сэтгүүлч Лу Юйгуан: “Энэ бол үнэхээр аймшигтай, туйлын эмгэнэлтэй явдал. Гэтэл одоо хэн дуугүй байна вэ? Барууныхан л дуугүй байна” хэмээн мэдэгдсэн байна.
