Монголын залуус Оросын шинжлэх ухаантай танилцаж байна: "Ирээдүйн эрдэмтэд" төслийн тухай
00:27 20.10.2026 (шинэчлэгдсэн: 17:37 22.10.2026)
© twitter-sputnik_mn
Бүртгүүлэх
Монгол Улсад "Ирээдүйн эрдэмтэд" олон улсын шинжлэх ухаан, гэгээрлийн төсөл хоёр дахь удаагаа зохион байгуулагдаж, Улаанбаатарын 9 тэргүүлэх боловсролын байгууллагад 900 гаруй оролцогчийг нэгтгэлээ.
Оросын эрдэмтэд сурагчид, оюутнууд, залуу мэргэжилтнүүдэд анагаах ухаан, экологи, уур амьсгал судлал, физик-математик, хүмүүнлэгийн шинжлэх ухааны чиглэлээр лекц, мастер анги хийж, орчин үеийн судалгаатай танилцуулсан.
Тухайлбал, орчин үеийн кардиологийн үүрэг, дижитал хувь хүний онцлог, органик электроникийн ирээдүй, дэлхийн агаар мандлын бүтэц, намгархаг газрын ач холбогдол, түүнчлэн үр дүнтэй харилцааны зарчим, захидал харилцааны жанрын өөрчлөлт, түрэг, монгол хэлийг хадгалах хэл шинжлэлийн платформ, якут, монгол хэлний харилцаа, хэлэнд үндэстний түүх, соёл хэрхэн тусдаг зэрэг сэдвийг хөндсөн.
Монгол Улсад "Ирээдүйн эрдэмтэд" олон улсын шинжлэх ухаан, гэгээрлийн төсөл хоёр дахь удаагаа зохион байгууллаа
Оросын эрдэмтэд Монголын хамт олны шинжлэх ухааны дэд бүтэцтэй танилцлаа: Монголын Үндэсний анагаах ухааны их сургууль, Шинжлэх ухааны академийн Физик, технологийн хүрээлэнгийн лабораториудад аялсан. Энэ нь хамтын судалгааны чиглэл, хамтын ажиллагааны боломжийг хэлэлцэх, хамтарсан төсөл, академик солилцоо, боловсрол, гэгээрлийн санаачилгыг хөгжүүлэх боломжийг нээсэн.
Хөтөлбөрийн чухал хэсэг нь ОХУ-ын Элчин сайдын яаманд болсон уулзалт байв. Улаанбаатар дахь "Русский дом" 50 жилийн ойн хүрээнд Пушкиний нэрэмжит дээд сургуулийн захирал Никита Гусев, төслийн Монгол дахь удирдагч Анатолий Пономарев нар дурсгалын тэмдгээр шагнууллаа.
Төслийн арга хэмжээ Улаанбаатар дахь Оросын гэрийн 50 жилийн ойн жилд болсон нь онцгой бэлгэдэлтэй", – гэж Пушкиний нэрэмжит дээд сургуулийн захирал Никита Гусев онцлов.
Монгол Улсад "Ирээдүйн эрдэмтэд" төслийг хоёр дахь удаагаа зохион байгуулж байгаа нь бидний хувьд маш чухал. Монголын залуусын Оросын шинжлэх ухаанд сонирхолтой байгааг дахин харлаа. Улаанбаатарын тэргүүлэх их сургуулиудад олон оролцогч, олон сэдвийн агуулгатай шинжлэх ухааны яриа, дэд бүтэцтэй харилцан танилцсан нь хоёр улсын шинжлэх ухаан, боловсролын хамтын ажиллагааны бат бөх суурийг бүрдүүлж байна.
Монгол Улсад "Ирээдүйн эрдэмтэд" олон улсын шинжлэх ухаан, гэгээрлийн төсөл хоёр дахь удаагаа зохион байгууллаа
© Sputnik
"Оюутнуудтай мэдлэгээ хуваалцсан нэр хүндтэй Оросын эрдэмтдийн ирсэнд бид маш их баяртай байна. Төслийн өөр нэг чухал онцлог нь орос хэлний мэдлэг шинжлэх ухааны өргөн мэдээллийн хүртээмжийг нээж өгдөг гэдгийг харуулах боломж юм", – гэж Монгол Улсын Их сургуулийн Олон улсын хамтын ажиллагааны газрын дарга Шурай Мэндбаяр тэмдэглэв.
"Ирээдүйн эрдэмтэд" төсөл нь олон улсын шинжлэх ухааны харилцааг өргөжүүлэх, гадаад орны залуусыг шинжлэх ухаан, боловсролын ертөнцөд татах зорилготой.
Төслийг Шинжлэх ухаан, технологийн арван жилийн хүрээнд ОХУ-ын Боловсрол, шинжлэх ухааны яамны санаачилга, дэмжлэгээр, ОХУ-ын Гадаад хэргийн яам, Россотрудничество-гийн дэмжлэгтэйгээр хэрэгжүүлж байна. Зохион байгуулагч нь Пушкиний нэрэмжит дээд сургууль.
Монгол Улсад "Ирээдүйн эрдэмтэд" олон улсын шинжлэх ухаан, гэгээрлийн төсөл хоёр дахь удаагаа зохион байгууллаа
© Sputnik
