ОХУ-ын Якутад өвөрмөц ховор хөх алмаз олж илрүүлжээ

© Sputnik . Ilya Pitalev / Зургийн санд очих "Алроса" компанийн байгалийн алмаз
 Алроса компанийн байгалийн алмаз  - Sputnik Монгол Улс, 1920, 07.11.2026
Бүртгүүлэх
Оросын алмаз үйлдвэрлэгч "Алроса" компани Якут дахь Накин кимберлитийн ордоос 2.74 каратын байгалийн хөх алмаз олсон нь Оросын алмаз олборлолтын түүхэнд анх удаа бүртгэгдсэн тохиолдол боллоо гэж тус компани зарлав.
Чулуу нь хамгийн ховор IIb төрлийн ангилалд багтах бөгөөд түүний онцлог хөх өнгө нь борын ул мөрөөс үүдэлтэй. Мөн болор нь дотоод орцгүй (цэвэр) тул цуглуулагчид болон үнэт эдлэлийн дархчуудад онцгой үнэ цэнэтэй юм.
Оросын 11 мэргэжилтний баг энэхүү чулууг зүлгэж байгаа бөгөөд бэлэн болсон алмазыг 2026 оны 11 дүгээр сарын сүүлээр танилцуулахаар хүлээж байна. "Алроса" компанийн Ерөнхий захирал Павел Маринычев энэхүү нээлтийг томоохон амжилт гэж нэрлэж, ийм ховор олдвор дахин давтагдахгүй байж магадгүй гэдгийг онцлов.
Энэхүү нээлт нь Накин ордын газраас бор агуулсан алмаз анх удаа илэрснийг баталж, эрдэмтдэд эдгээр ховор үнэт чулуу хэрхэн үүсдэг талаар шинэ ойлголт өгч байна.
Мэдээний урсгал
0